Gollandiye parlaméntida uyghur weziyiti heqqide xitay bilen sözlishish teklip layihisi testiqtin ötken

Muxbirimiz shöhret hoshur
2017-11-22
Élxet
Pikir
Hembehr
Print
  • Print
  • Hembehr
  • Pikir
  • Élxet

Gollandiye parlaméntida denk partiyesi teripidin sunulghan uyghurlarning nöwettiki weziyitini xitay hökümiti bilen sözlishish heqqidiki teklip layihisi parlamént ezalirining mutleq köp qismining qétilishi bilen testiqtin ötken.

Türkiyediki nopuzluq axbarat wasitiliridin «yéngi shepeq» gézitining bügünki bu heqtiki xewiride eskertilishiche, mezkur layihede gollandiye hökümiti xelqara sehnide we xitay bilen bolghan diplomatik munasiwetlerde uyghurlar nöwette duch kéliwatqan diniy we milliy bésimlarni otturigha qoyush we sözlishishke dewet qilinghan.

Gollandiye sherqi türkistan birliki teshkilatining reisi sadiqjan seley ependining bügün radiyomizgha bayan qilishiche, mezkur teklip parlaménttiki 13 partiyidin 12 sining qollishigha érishken. Teklipni otturigha qoyghan denk yeni barawerlik partiyesi gollandiyediki türk qatarliq köchmenlerni asas qilghan partiye bolup, gollandiyediki uyghur paaliyetchiler mezkur partiye bilen yéqin hemkarliq ornatqan iken. Sadiqjan seleyning bildürüshiche, uyghur paaliyetchiler denk partiyisini uyghur diyarining nöwettiki weziyiti heqqide köpligen pakitliq matériyallar bilen teminligen we mezkur partiyidin uyghur mesilisini gollandiye parlaméntida otturigha qoyushini telep qilghan. Matériyallardin melum bolushiche, denk partiyisi gollandiye parlaméntining türk ezaliridin tunaxan quzu we selchuk öztürk teripidin 2015 ‏-Yili qurulghan we bu yilqi saylamda uning 3 ezasi parlaménttin orun alghan.

Toluq bet