Guma nahiyiside saqchi we kadirlardin 6 kishi pichaqlap öltürülgen, ikki neper hujumchi étip tashlan'ghan

Muxbirimiz qutlan
2014.10.13

Igilishimizche, 10-séntebir, yeni ötken jüme küni guma nahiyiside qanliq weqe yüz bérip jem'iy 8 adem ölgenliki ilgiri sürülmekte.

Radi'oyimizning neq meydandin igilishiche, abduréhim tuniyaz we ablikim abdurehim isimlik ikki neper gumandar ötken jüme chüshtin kéyin sa'et 3 te guma nahiye bazirining chasa dégen qaynaq bazirida tuyuqsiz pichaqliq hujum qozghap peride kérim isimlik ayal saqchini pichaqlap öltürgen.

Ikki neper hujumchi neq meydandin tézlik bilen ayrilip motsiklit bilen köktérek yézisigha qarap mangghan. Shu küni tang atquche ular aldigha uchrighan saqchi we hökümet xadimlirigha hujum qilip 4 orunda 6 kishini pichaqlap öltürgen.

Melum bolushiche, ikki neper hujumchi bir kündin kéyin, yeni yekshenbe seherde guma bazirida yene peyda bolghan. Halbuki, ular saghan chazisigha kelgende saqchilarning qorshawigha chüshüp qélip étip tashlan'ghan.

Xitay hökümet taratquliri 12-séntebirdin bashlap mezkur weqede öltürülgen ayal saqchi peride kérim heqqide xewer bergen we uning hamilidar ikenlikini ilgiri sürgen. Halbuki mezkur weqening tepsilati we qanche ademning ölgenliki heqqide héchqandaq uchur bermigen.

Melum bolushiche, guma baziridiki tunji hujumda pichaqlap öltürülgen peride kerim eslide köktérek yéziliq saqchixanining 19-kentke mes'ul saqchisi iken. Kent kadirlirining bildürüshiche, u köp qétim xizmet körsitip mukapatlan'ghan siyasiy aktiplardin iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.