Xitay j x ministirliqi go wén'guy élan qilghan mexpiy höjjetni inkar qildi

Muxbirimiz erkin
2017-10-09
Élxet
Pikir
Hembehr
Print
  • Print
  • Hembehr
  • Pikir
  • Élxet

Xitay hökümiti 8‏-öktebir bayanat élan qilip, xitayning amérika xudson instituti torigha hujum qilghanliqi we sürgündiki xitay milyadér go wén'guy 5‏-öktebir élan qilghan mexpiy höjjetning chinliqini inkar qilghan.

Go wén'guy 5‏-öktebir amérika memliketlik axbarat kulubida muxbirlarni kütüwélip, xitay dölet xewpsizlik komitétining amérikigha 27 neper jasusluq xadimi ewetishni qarar qilghanliqi heqqidiki bir mexpiy höjjetni élan qilghan. U, xitayning bu jasuslar arqiliq amérikada buzghunchiliq herikiti élip baridighanliqini ilgiri sürgen. Go wén'guy 5‏-öktebir axbarat élan qilish yighini ötküzüshtin bir kün burun amérika xudson institutida nutuq sözleshni pilanlighan. Biraq xudson instituti bir qanche sa'et burun nutuq sözleshni bikar qilghan. Amérika "wol-stérit zhurnili" géziti xudson institutining xitayning bésimi we uning tor hujumigha uchrap nutuq sözleshni bikar qilghanliqini bildürgen.

"wol-stérit zhurnalni" géziti yene amérika edliye ministiri jef séshi'onning shu küni washin'gtonda ötküzülgen bir yighinda xitay j x ministiri go shingkün'ge naraziliq bildürgenlikini xewer qilghan idi. Xitay j x ministirliqi 8‏-öktebir roytérz agéntliqi arqiliq élan qilghan bayanatida, xitay hökümitining tor hujumida qoli barliqigha da'ir héchqandaq delil bayqalmighanliqini bildürgen. Uningda mundaq déyilgen: "xitay terep amérika hökümitige go wén'guyning saxta höjjet oydurup chiqip, u pash qilghan nersilirige pakit oydurmaqchi bolghanliqigha da'ir delillerni tapshurdi we amérika tereptin bu ishni tekshürüshini resmiy telep qildi."

Go wén'guy 5‏-öktebir amérika memliketlik axbarat kulubida ötküzgen muxbirlarni kütüwélish yighinida, uyghurlarning weziyiti "chet'el axbaratlirida ashkariliniwatqandin we perez qilin'ghandin köp éghir," dégen idi.

Pikirler (0)
  • Print
  • Hembehr
  • Élxet
Toluq bet