Uyghur élidiki nahiye derijilik hakimiyet orunlirida yerlik uyghur kadirlirining nisbiti körinerlik azayghan

Muxbirimiz qutlan
2017-02-25
Élxet
Pikir
Hembehr
Print
  • Print
  • Hembehr
  • Pikir
  • Élxet


Nahiye derijilik hökümet orunliri uyghur aptonom rayonidiki eng asasliq yerlik hakimiyet organliri bolup, xitayning atalmish "aptonomiye qanuni" da bash hakim we mu'awin hakimlarning köpchilikining yerlik millettin bolushi belgilen'gen.

Halbuki, xitay hökümiti özi tüzgen atalmish "aptonomiye qanuni" gha özi xilapliq qilip, yéqindin buyan uyghur aptonom rayonidiki nahiye derijilik hakimiyet orunlirini zor derijide xitaylashturghanliqi melum bolmaqta.

Kériye nahiyelik hökümet torida élan qilin'ghan hakim we mu'awin hakimlarning ish teqsimatidiki tengpungsizliq közetküchilerning küchlük diqqitini qozghimaqta.

Igilinishiche, kériye nahiyelik hökümetning nöwette wezipe ötewatqan 8 neper hakim we mu'awin hakimliri ichide 5 nepiri xitay, aran üch nepiri uyghur iken.

Bash hakim gheyret yunus gerche nahiyelik hökümetning omumiy ishlirigha rehberlik qilidu déyilgen bolsimu, emma uning konkéret xizmet da'irisi peqetla réwiziye we diniy ishlar bilen cheklen'gen.

Da'imiy ishlargha mesul birinchi mu'awin hakim xitay bolup, uning wezipe da'irisi maliye, baj, ijtima'iy kapalet, yer we zémin bayliqi, kadirlar hoquqi, soda-sana'et, qatnash-tiransiport, karxana qatarliq muhim sahelerning hemmisini öz ichige alghan. Undin bashqa 4 neper xitay mu'awin hakimning wezipe da'irisimu emeliy we muhim sahelerge munasiwetlik iken. Qalghan ikki neper uyghur mu'awin hakim millet we din ishliri, muqimliq, sehiye, pilanliq tughut, ma'arip, tenterbiye qatarliq ikilemchi xizmetlerge mesul qilin'ghan iken.

Kozetküchiler, uyghurlar nopusi mutleq üstünlükni igileydighan xoten wilayitidiki herqaysiy nahiyeliride uyghur kadirlarning bügünki künde hoquq chembirikidin siqip chiqirilip, peqetla simwol xaraktérliq qorchaq bolup qalghanliqini tekitlimekte.

Toluq bet