Xénendin uyghur diyarigha qoralliq saqchi yötkep kélingenlik uchuri otturigha chiqti

Muxbirimiz irade
2017-03-09
Élxet
Pikir
Hembehr
Print
  • Print
  • Hembehr
  • Pikir
  • Élxet

«Ulugh éra» gézitining xewer qilishiche, merkizi xongkongdiki «junggo kishilik hoquq herikiti uchur merkizi» 8-Mart küni bir uchur tarqitip, xitay hökümitining xénen ölkiside turushluq qoralliq saqchi qisim ‏128-Déwiziyesidin 1000 neper qoralliq saqchini ikki kün awwal uyghur diyarining xoten we qeshqer wilayetlirige yötkigenlikini, rayonda belkim chong bir weqe chiqqan bolushi mumkinlikini bildürgen.

Yuqiridiki uchur tarqalghandin kéyin küchlük diqqet qozghighan. «Xongkongda iqtisad géziti» teywen merkizi agéntliqi qatarliq axbarat organlirimu bu uchurni tarqatqan. Emma xewerlerde uyghur élide chong birer weqe bolup -Bolmighanliqi delillenmigen.

14-Féwral küni gumida pichaqliq hujum yüz bergendin kéyin xoten, qeshqer we ürümchide 10 ming kishilik qoralliq saqchi özining herbiy küchini körsetken. Arqidin qeshqer wilayiti yuqiri maash bilen 3000 neper saqchi qobul qilish élani chiqirip közetküchilerning diqqitini qozghighan idi. Biraq yuqiridiki xénen ölkisidin qoralliq saqchi yötkesh weqesi uyghur élidiki hökümet uchur wasitiliride téxi xewer qilinmidi, emma 2009-Yilidiki, 5-Iyul ürümchi weqesidin kéyin, ichkiri xitaydin bir qisim qoralliq saqchi küchlirining uyghur diyarigha yötkep kélingenlikige ait uchurlarmu meydangha chiqqan idi.

Toluq bet