Xelq'ara maliye fondi “X p i k” qerzi üstide pakistanni agahlandurghan

Muxbirimiz jüme
2017.12.09

“Xitay-pakistan iqtisadiy karidori” (“X p i k”) qurulushigha sélin'ghan mebleghler barghanche zoriyiwatqan mezgilde pakistanda ziyaret qilghan xelq'ara maliye fondi xadimliri mezkur qerz sommisi we uni qayturushning pakistan iqtisadigha keltüridighan ziyanliri heqqide pakistanni agahlandurghan.

Pakistandin chiqidighan “Éksprés tribyun” gézitining xewer qilishiche, xelq'ara maliye fondining pakistandiki bash wekili we uning ezaliri charshenbe küni pakistan maliye ministirliqi, pakistan pilan we tereqqiyat ministirliqi xadimliri bilen körüshken. 

Xewerde körsitilishiche, xelq'ara maliye fondi xadimliri pakistanning mezkur fondidin alghan 6 milyard 100 milyon dollar qerzini qayturush iqtidarini bahalash üchün islam'abadqa kelgen iken. 

Xitay-pakistan iqtisadiy karidori qurulushi 2012-yili bashlan'ghan. Deslepte bu qurulushqa 46 milyard dollar meblegh sélin'ghan. Emma, bu meblegh barghanche zoriyip hazir 60 milyard dollargha yetken. 

Xewerde mezkur uchrishishtin xewerdar kishilerning éytqanliridin neqil élip körsitishiche, xelq'ara maliye fondi bu qerz sommidin chöchüp ketkenlikini bildürgen. 

Melum bolushiche, pakistan aldimizdiki bir yildin, bir yérim yilghiche bolghan ariliqta kardur qurulushi üchün alghan qerzlerni töleshke bashlaydighan. Emma her yili qayturidighan qerz we ösüm sommisi 2020-yiligha barghanda barghanche zoriyip pakistanning yilliq omum ishlepchiqirish miqdarining 0. 1 Pirsentige yétidiken. 

Halbuki, xelq'ara maliye fondi pakistan yiligha qayturidighan qerz sommisining yene yette yildin kéyin yiligha 3. 5 Milyard dollardin 4. 5 Milyard dollarghiche köpiyidighanliqi, 2024-yiligha barghanda pakistan karidur qurulushi üchünla töleydighan qerz pakistan yilliq ishlepchiqirish omum qimmitining 1. 6 Pirsentini igileydighanliqini bildürgen. 

Sanliq melumatlargha qarighanda, pakistanning 2016-yilidiki yilliq ishlepchiqirish miqdari 283 milyard dollar etrapida bolghan. 

Ötken heptidiki xewerlerdimu bir qisim mutexessislerning pakistanning xitay-pakistan iqtisadiy karidori üchün alghan qerzlerni qayturush iqtidarigha so'al qoyghanliqi körsitilgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.