خىتاي تۈرمىسىدىكى ھۈسەيىن جېلىل ئۈچۈن مەكتۇپ يېزىش پائالىيىتى باشلاندى

مۇخبىرىمىز ئىرادە
2015-05-28
ئېلخەت
پىكىر
ھەمبەھر
پرىنت
  • پرىنت
  • ھەمبەھر
  • پىكىر
  • ئېلخەت

خەلقئارا كەچۈرۈم تەشكىلاتىنىڭ كانادادا تۇرۇشلۇق ئەزالىرى خىتاي تۈرمىسىدە يېتىۋاتقان كانادا پۇقراسى ھۈسەيىن جېلىل ئۈچۈن مەكتۇپ يېزىش پائالىيىتى ئۇيۇشتۇرغان.

«نياگرا خەۋەرلەر تورى» نىڭ ئېيتىشىچە، مەكتۇپ يېزىش پائالىيىتىدە ئالدى بىلەن ھۈسەيىن جېلىل داۋاسىغا مەسئۇل بولغان ۋىلف رۇلەند سۆز قىلغان. ئۇ سۆزىدە، خىتاي تۈرمىسىدە رىيازەت چېكىۋاتقان ھۈسەيىن جېلىلنىڭ خۇددى كىنولاردىكىدەك سەرگۈزەشتى بارلىقىنى، خىتايدىكى رىيازەتتىن شۇنچە تەستە قۇتۇلۇپ چىققان بولسىمۇ، بەختكە قارشى ئۆزبېكىستانغا بارغاندا قولغا ئېلىنىپ خىتايغا قايتۇرۇپ بېرىلگەنلىكىنى بايان قىلىپ ئۆتكەن.

ئۇ شۇنداقلا ئەسكەرتىپ «خىتاي دۆلىتى گەرچە ھۈسەيىن جېلىلنى تېررورچى دەپ ئىلگىرى سۈرسىمۇ، ئەمما خەلقئارا كەچۈرۈم تەشكىلاتى ئۇنى بىر كىشىلىك ھوقۇق قوغدىغۇچىسى، دەپ قارايدۇ» دېگەن.

ئىگىلىنىشىچە، بۇ مەكتۇپ يېزىش ھەرىكىتىدە ھۈسەيىن جېلىل ئۈچۈن يېزىلغان مەكتۇپلار خىتاي دۆلەت باشلىقلىرىغا، كانادا باش مىنىستىرى ستىۋىن خارپېر ۋە شۇنىڭدەك باشقا دۆلەت رەھبەرلىرىگە ئەۋەتىلىدىكەن. ئۇلار يەنە 17-ئىيۇن كۈنى ھۈسەيىن جېلىل ئۈچۈن يەنە بىر يىغىلىش ئۇيۇشتۇرىدىكەن.

پىكىرلەر (0)
  • پرىنت
  • ھەمبەھر
  • ئېلخەت
تولۇق بەت