Hüseyin jélilning ayali kanada hökümitini érining qoyup bérilishi üchün heriket qilishqa chaqirdi

Muxbirimiz erkin
2016-02-08
Élxet
Pikir
Hembehr
Print
  • Print
  • Hembehr
  • Pikir
  • Élxet

Ürümchi 1‏-Türmidiki kanada puqrasi, siyasiy mehbus hüseyin jélilning ayali kamile tilendibayéwa kanada hökümitini érining qoyup bérilishi üchün heriketke ötüshke chaqirghan. Kanada «yultuz géziti»ning xewer qilishiche, kamile, hüseyin jélilning qamaq jazasi qisqartilghanliqidin xursen bolghanliqini bildürüp, emma bu qanaetlinerlik emes, dégen.

Xitay hökümiti yéqinda hüseyin jélilning muddetsiz qamaq jazasini 20 yilgha qisqartqan. Hüseyin jélil 2006‏-Yili özbékistanda qolgha élinip, xitaygha ötküzüp bérilgen. Xitay hökümiti 2007‏-Yili uni «térrorluq» bilen eyiblep muddetsiz qamaq jazasigha höküm qilghan idi.

Kamile télendibayéwa «yultuz»gézitige qilghan sözide mundaq dégen: «men u xewerdin xursen boldum. Emdi kanada hökümiti téximu köp küch chiqirishi kérek, dep qaraymen.... Trédo ependi )kanada bash ministiri( bir ish qilishi kérek. Kanada hökümitidin téximu köp küch chiqirishini kütimen.»

Xitay hökümiti yéqinda hüseyin jélilni axbarat wasitilirige chiqarghan. U axbarat wasitiliride özining herikitidin kechürüm soraydighanliqini bildürgen idi. Kamile tilendibayéwa: «éhtimal...... Ular uni kechürüm sorashqa mejburlighan bolushi mumkin. Men uni chüshinimen, u türmide yétiwatqangha, bolupmu xitay türmiside yétiwatqangha 10 yil boldi. Ademning ishengüsi kelmeydu» dégen.

Toluq bet