Dairilerning maarip we idéologiye sahesidiki uyghur ziyaliylargha qaratqan «tazilash» herikiti yenimu kücheygen

Muxbirimiz qutlan
2017-02-25
Élxet
Pikir
Hembehr
Print
  • Print
  • Hembehr
  • Pikir
  • Élxet


Aldinqi küni uyghur aptonom rayonluq intizam tekshürüsh komitéti omumiy uqturush chiqirip, ötken yilidin buyan nezerbentke élinghan shinjang ijtimaiy penler akadémiyesining muawin bashliqi abdurazaq sayimgha délo turghuzulup, teptish orunlirining bir terep qilishigha tapshurup bérilgenliki bildürülgen idi.

Mezkur uqturushta abdurazaq sayimning «siyasiy intizamgha qattiq xilapliq qilghanliqi we chirikleshkenliki» tilgha élinghan.

Ilgiri maarip nazaritide rehberlik xizmitide bolghan abdurazaq sayim buningdin birqanche hepte ilgiri jazalanghanliqi ilgiri sürülgen sabiq maarip naziri sattar dawuttin kéyinki «tazilash» qa uchrighan yene bir yoqiri derijilik uyghur emeldar iken.

Ijtimaiy taratqular we xelq arisida tarqalghan xewerlerge qarighanda, ötken yili küzdin buyan maarip we idéologiye saheside xizmet qilidighan körneklik uyghur ziyaliyliridin birqanchisining nezerbentke élinghanliqi melum. Bezi menbeler ularning «derslik mesilisi» ge chétilip tutqun qilinghanliqini ilgiri sürmekte. Halbuki, xitay hökümet taratquliri bu heqte héchqandaq xewer bermidi.

Közetküchiler, ötken yilining bashlirida uyghur tor yazghuchiliri bilen tor bet bashqurghuchilirining tutqun qilinishi, arqidinla maarip saheside xizmet qiliwatqan melum tesirge ige uyghur serxillirining nezerbentke élinishi xitay hökümitining rayonda idéologiye sahesi boyiche yene bir meydan «tazilash» herikiti qozghashqa bashlighanliqidin dérek béridu, dep hésablimaqta.

Toluq bet