Uyghur aptonom rayonida xitay merkiziy hökümitining shinjangni idare qilish istératégiyesini emeliyleshtürüsh boyiche ipade bildürüsh pa'aliyiti ötküzülmektiken

Muxbirimiz qutlan
2016.09.24


18 - Séntebirdin taki bügün'giche Uyghur aptonom rayonluq partkom we hökümetke qarashliq organlar, idare - jem'iyetler, komitétlar, teshwiqat orunliri we aliy mekteplerde xitay merkiziy hökümitining shinjangni idare qilish istératégiyesini emeliyleshtürüsh boyiche ipade bildürüsh yighini ötküzülmektiken.

“Shinjang géziti” ning bu heqtiki mexsus xewirige qarighanda, 18 - séntebir küni Uyghur aptonom rayonluq edebiyat - sen'etchiler birleshmisi, shinjang ijtima'iy penler akadémiyesi we aptonom rayonluq tenterbiye idarisi qatarliq orunlar؛ 19 - séntebir küni ormanchiliq nazariti we shinjang kespiy uniwérsitéti؛ 21 - séntebir küni shinjang uniwérsitéti we aptonom rayonluq tezkire komitéti؛ 22 - séntebir küni Uyghur aptonom rayonluq xelq qurultiyi da'imiy komitéti qatarliq orunlar bu heqte mexsus yighin ötküzüp, shexsiy we kolléktip ipade bildürüsh élip barghan.

Xewerde déyilishiche, xitay kompartiyesi we xitay merkiziy hökümitining shinjangni idare qilish istératégiyesini emeliyleshtürüsh boyiche ipade bildürüsh pa'aliyitide nuqtiliq halda mundaq ikki mesile tekitlen'gen: “Biri, shinjangning uzaq muddetlik eminliki we muqimliqi mesiliside birlikke kelgen tonushqa ige bolush we birlikte heriket qollinish. Ikkinchisi, her sahe, her millet we herqaysiy qatlamlarning uyushqaqliqi, birlikini kücheytish.”

Közetküchiler, nöwette Uyghur aptonom rayonining siyasiy atmosférasining “Medeniyet inqilabi” dewridinmu éship ketkenlikini, hökümet organliri bilen teshwiqat wastiliride “Ebediy eminlik”, “Muqimliq”, “Milletler ittipaqliqi”, “Térrorluq, zorawanliq we diniy esebiylik” dégen atalghularning künde tekrarlinidighan sözlerge aylan'ghanliqini tekitlimekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.