Istanbuldiki réyno réstoranini qangha boyighan térrorchining kimliki aydinglashqan

Muxbirimiz shöhret hoshur
2017-01-04
Élxet
Pikir
Hembehr
Print
  • Print
  • Hembehr
  • Pikir
  • Élxet

Bügün türkiye tashqi ishlar ministiri chawushoghlu istanbuldiki réyno réstoranigha hujum qilghan térrorchining kimlikining aydingliship bolghanliqini élan qilghan, emma ashkarilimighan.

Mezkur térrorluq weqesi yéngi yil kéchisi yüz bergen. Weqede aptomatliq bir térrorchi kechlik kulubqa bésip kirip kulubtikilerni qara-Qoyuq oqqa tutqan. Yette minutche birqanche qétim oqdan almashturghan térrorchi, qirghinchiliq élip barghandin kéyin qoralini tashlap we kiyimini almashturup, kulubtin qachqan. Weqede 12 si türk, qalghanliri chetellik bolghan 39 kishi ölgen, 65 kishi yarilanghan. 4 Kündin béri türkiye saqchiliri mezkur térrorchini qolgha chüshürüsh üchün keng kölemlik opératsiye élip barmaqta.

Weqe heqqidiki xewer we mulahizilerde térrorchining kimliki bilen birlikte, uning mergenliki, temkinliki, tejribilikliki we tebiitidiki wehshiyliki diqqet merkizi bolmaqta. Hazirghiche bérilgen türkiye xewerliride térrorchining ottura asiyaliq ikenliki jezmleshtürülüsh bilen birlikte, uning qirghiz, özbék yaki uyghur bolup qélish éhtimalliqi ilgiri sürülmekte.

Sabah gézitining bu heqtiki bir xewiride bayan qilinishiche, türkiye saqchiliri térrorchining kimlikini deslepki künila jezmleshtürüp bolghan, emma térrorchi téxi tutulmighan bolghachqa ashkarilashni toghra körmigen.

Toluq bet