Jewher ilham: dadam xenzularning az sanliq milletlerni yaxshiraq chüshinishige yardem qilishni meqset qildi

Muxbirimiz erkin
2014.05.05

Türmidiki Uyghur öktichi ziyaliy ilham toxtining amérikida turushluq qizi-jewher ilham, 5‏-may “Nyu-york waqti géziti” maqale élan qilip, dadisining bölgünchilik bilen shughullan'ghanliqini ret qildi.

Jewher ilham “Bir Uyghur dadining qeyserane körüshi” serlewhilik maqaliside, shi jinpingning Uyghur élige qilghan yéqinqi ziyaritide “Bölgünchi” küchlerning “Térrorluq” hujumigha keskin zerbe bérishni tekitligenlikini eskertip, biraq xitay hökümiti dadisigha oxshash kishiler otturigha qoyghan xelq ichidiki naraziliqqa qulaq yopurghanliqini bildürdi.

Ilham toxti bu yil 15‏-yanwar tutqun qilinip, “Bölgünchilik” bilen eyiblen'gen. U tutup turuluwatqanliqi 3 yérim ay bolghan bolsimu, biraq da'iriler uning ürümchide tutup turuluwatqanliqidin bashqa, héchqandaq uchur bilen teminlep baqmighan.

Jewher ilhamning “Nyu-york waqti géziti” diki maqalisi, u dadisigha wakaliten amérika qelemkeshler merkizining 2014‏-yilliq “Barbara goldsimis erkinlik mukapati” ni tapshuruwalghan küni élan qilindi.

Jewher ilham maqaliside, ilham toxtining tor béti xitay, Uyghur, tibet we in'gliz tillirida maqale élan qilip, xenzular bilen az sanliq milletler öz ara bir-birini chüshinishke yardem qilishni meqset qilghanliqi, uning meqsiti chüshinishlik we durus ikenlikini bildürdi.

Jewher: u xitay hökümiti türmige tashlaydighan emes, belki hemkarliship ishleydighan kishi idi. Eger uning herqandaq xataliqi bar déyilse, u peqet kishini bi'aram qilidighan heqiqetlerni sözlidi, xalas, dep körsetti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.