Jon kerriy xitay bilen chén gu'angchéngning türmidiki jiyeni toghruluq sözlishidu
2013.05.03
Amérika, dölet ishlar ministiri jon kerriyning xitay rehberliri bilen kishilik hoquq pa'aliyetchisi chén gu'angchéngning türmidiki jiyeni chén kéguy toghruluq sözlishidighanliqini bildürdi.
Xitay ötken yili chén gu'angchéngning amérikigha chiqip kétishige yol qoyghan, lékin uning jiyeni chén kéguyni qolgha alghan idi. Da'iriler uning salametliki xeterlik ehwalgha bérip qalghan bolsimu, biraq sirtta dawalinishini ret qilghan.
Amérika dölet ishlar ministirliqi mu'awin bayanatchisi patrik wéntrél charshenbe küni uning mesile heqqide toxtilip, biz chén kéguyning türmide qopal mu'amile uchrighanliqi we salametlik ehwali heqqidiki xewerlerdin qattiq endishe qiliwatimiz, dégen. U yene, jon kerriyning ehwaldin xewerdar ikenliki, uning buninggha köngül bölüwatqanliqi we bu mesilini dawamliq otturigha qoyush muddi'asi barliqini bildürgen.
Chén gu'angchéng ötken yili nezerbend astidin qéchip chiqip, amérikining béyjingda turushluq elchixanisigha kiriwalghan. Bu weqe öz watida amérika - xitay munasiwitide diplomatik krizis keltürüp chiqarghan idi.
Chén gu'angchéng jiyenining mesilisige b d t ning arilishishini telep qilip, eger chén kéguyni derhal dawalimisa, uning ölüp qélishi mumkinlikini bildürgen.
Patrik wéntrélning ashkarilishiche, jon kerriy chén kéguyning mesilisi toghruluq xitay rehberliri bilen téléfonda sözlishishni qarar qilghan. Biraq wéntrél uning qachan sözlishidighanliqidin xewiri yoqluqini bildürgen.