Itay da'irilirining “Kino sahesidiki tazilash” ni dawamlashturuwatqanliqi melum

Birleshme agéntliqning xewirige qarighanda, béyjing saqchiliri yéqinda xitaydiki dangliq kino rézhissori wang chwen'enni tutqun qilghanliqi melum.

Wang chwen'en xitay kino saheside nami chiqqan dangdar rézhissor bolup, u ishligen “Aq bugha dalasi” bilen “Tu yaning toyi” namliq ikki filim 2007-yilliq bérlin xelq'ara kino bayrimida “Altun éyiq” mukapatqa érishken.

Béyjing sheherlik saqchi idarisi uning öz öyide, sétiwalghan birqanche pahishe ayal bilen bille tutulghanliqini ilgiri sürgen.

Melum bolushiche, bu yilning kéyinki yérimidin bashlap shi jinping xitayning kino-téléwiziye we teshwiqat sahesige bolghan “Tazilash” ni kücheytken. Deslepki qedemde xitayning dangliq kino cholpini xwang xeyboni pahishe ayallarni yallighan dégen bahane bilen tutqan. Ötken ayda xongkongluq dangliq kino cholpini je kéy chenning oghli jeysé chenni zeherlik chékimlik délosi bilen tutqun qilghan.