Xitay, kishilik hoquq aliy kéngishi re'isining ziyaret telipige ochuq ipade bildürmidi

Muxbirimiz irade
2014.10.23

Xitay hökümiti, b d t kishilik hoquq aliy kéngishi re'isining tibet we Uyghur élini ziyaret qilish üchün aldi bilen “Muwapiq yollar” arqiliq iltimas sunushi kéreklikini bildürdi.

Birleshken dölet teshkilati kishilik hoquq aliy kéngishining yéngi teyinlen'gen re'isi zéyid ra'ad el hüseyin aldinqi hepte özining tibetni ziyaret qilishni pilan qiliwatqanliqini we bu jeryanda Uyghur élidimu toxtap ötüshni xalaydighanliqini éytqan idi.

Xitay tashqi ishlar ministirliqi bayanatchisi xu'a chünying peyshenbe küni muxbirlarning bu heqtiki so'aligha jawab qayturghanda, gerche zéyid hüseyinning ziyaret telipini ochuq ret qilmighan bolsimu, biraq uning aldi bilen muwapiq yollar arqiliq iltimas sunushi kéreklikini éytqan we “Biz kishilik hoquq aliy kéngishi re'isi bilen öz-ara hörmet asasida hemkarlishishni xalaymiz shundaqla uning öz wezipisini adil we terepsiz bir shekilde ada qilishini ümid qilimiz” dep eskertken.

Biraq, kishilik hoquq aliy kéngishi re'isi zéyid hüseyin aldinqi hepte qilghan sözide, özlirining xitay hökümiti bilen bu ziyaret üstide söhbetlishiwatqanliqini éytqan idi. Xitay b d t kishilik hoquq aliy kéngishi re'isining xitayni ziyaret qilish telipini 1998-yilidin béri qobul qilip baqmighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.