Da'irilerning Uyghur élida 200 mingdin artuq “Qanunsiz neshr buyumi” ni yighiwélip köydürgenliki melum

Muxbirimiz qutlan
2016.04.25

“Xelq tori” Uyghurche qanili bilen “Qanunchiliq géziti” torining xewirige qarighanda, Uyghur aptonom rayonluq da'iriler Uyghur élining herqaysi jayliridin yighiwalghan 200 mingdin artuq “Qanunsiz neshr buyumi”ni köydürgenliki melum.

Xewerde déyilishiche, da'iriler 26-aprélda yétip kélidighan “Dunya neshr hoquqini qoghdash küni” munasiwiti bilen mezkur pa'aliyetni uyushturghan iken.

Igilinishiche, Uyghur aptonom rayonluq jama'et xewpsizliki nazariti, soda-sana'etni memuriy bashqurush idarisi we tamozhna organliri teripidin musadire qilin'ghan atalmish “Qanunsiz neshr buyumi” din 143 ming danisi 21-aprél küni ürümchidiki shinxwa kitabxanisi aldida köydürülgen.

Xewerde ürümchide köydürülgen “Qanunsiz neshr buyumliri” ning zadi qandaq mezmundiki we qaysi tillardiki neshr buyumliri ikenliki heqqide konkrét uchur bérilmigen.

Közetküchiler bilen muhajirettiki Uyghur siyasiy analizchilar ürümchide köydürülgen atalmish “Qanunsiz neshr buyumliri” ning köp qismining Uyghur til-yéziqida chiqqan sezgür témidiki kitab-matériyallar yaki diniy mezmundiki eserler bolushi mumkinlikini texmin qilmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.