Xitay tor kézerliri amérikini kunming weqesige nisbeten “Ikki xil ölchem” qollandi dep eyiblidi

Muxbirimiz qutlan
2014.03.03

“1 - Mart kunming weqesi” yüz bergendin kéyin xitayning shinxu'a agéntliqi uni “Junggodiki 11 - séntebir weqesi” we “Insaniyetke qarshi eng éghir jinayet” dégen namlar bilen eyibligen.

Amérikining xitayda turushluq elchixanisi kunmingda yüz bergen qanliq weqege ipade bildürüp, uning bir meydan “Qorqunchluq zorawanliq heriket” ikenlikini ilgiri sürgen hemde bu “Tragédiye” din epsuslinidighanliqini bildürgen.

Halbuki, xitaydiki minglighan tor kézerliri amérikining mezkur bayanatigha bolghan naraziliqini bildürgen. Ular birdek amérika terep “1 - Mart kunming weqesi” ni xuddi ötken yili bostonda yüz bergen partlash weqesi bilen “11 - Séntebir weqesi” ge oxshash orun'gha qoyushi hemde uning xaraktérini “Térrorluq hujumi” dep békitishi kérek, dep qarighan.

Xitay tor kézerliri amérikining kunming weqesige tutqan pozitsiyisining rusiye bilen pakistandek keskin bolmighanliqini eyibligen. Ular yene amérika terep junggoda yüz bergen herqandaq bir weqege nisbeten “Ikki xil ölchem” tutidu dep renjigen.

Wahalenki, chet'ellerdiki bir qisim xitay ishliri mutexessisliri junggo hökümitining Uyghur aptonom rayonida heddidin artuq bésim siyasiti yürgüzüwatqanliqini, bolupmu milliy we diniy jehettiki kontrolluqning chékidin éship ketkenlikini tekitlimekte.

Dunya Uyghur qurultiyi bayanatchilirimu bu heqte xitay hökümitini agahlandurup, xitayning éghir derijidiki bésim siyasitining yerlik xelqte shuninggha yarisha qarshiliq peyda qilidighanliqini tekitligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.