Chén chüengo«bingtüen»ning «muqimliq we chégrini qoghdash qabiliyitini östürüsh»ni tekitlidi

Muxbirimiz ümidwar
2017-04-02
Élxet
Pikir
Hembehr
Print
  • Print
  • Hembehr
  • Pikir
  • Élxet


31-Mart küni ürümchide chaqirilghan «shinjang ishlepchiqirish qurulush armiyesi»ning 524 wekili qatnashqan 7-Qétimliq partiye wekiller qurultiyida söz qilghan uyghur aptonom rayoni kommunistik partiye komitéti sékritari chén chüengo ishlep chiqirish qurulush armiyesining buningdin kéyinki tereqqiyati we qilidighan wezipilirige ait alte türlük nuqtini tekitligende bingtuenning «eskiri qabiliyitini ashurup, uning muqimliqni qoghdashtiki rolini jari qildurush», «muqimliq we chégrini qoghdash iqtidarini yuqiri kötürüsh»ni tekitlidi

«Xitay uchur tori» torining bu heqtiki uchuridin melum bolushiche, chén chüengo sözide «bingtüen»: «térrorluqqa qarshi küreshte aldida méngish, bashlamchiliq bilen jeng qilish, awangart bolush, yéngidin xizmet körsitip, shinjangning ijtimaiy muqimliqini qoghdash we ebediy eminlikni ishqa ashurushta téximu zor mesuliyetni zémmisige élish kérek»dep körsetken.

Uyghurlar teripidin «qoralliq déhqanlar»dep atilip kéliwatqan ishlepchiqirish qurulush armiyesining 7-Qétimliq wekiller qurultiyi xitay dairilirining uyghur diyaridiki muqimliqni qoghdash üchün qattiq tedbirlerni kücheytiwatqan shuningdek 1-Apréldin tartip, yéngidin «esebiylikni tögitish nizami»dep atalghan bir qanuni belgilimini ishqa kirishtürüp, uyghurlarning dini étiqad erkinliki we milli örp-Adetlirini öz ichige alghan eqelli kishilik hoquqlirining téximu dexli-Terizge uchraydighanliqi ghulghula qiliniwatqan bir peytke toghra kelgen idi.

Mutexxesislerning qarishiche, bingtüenning qurulghandin buyan bir terepin ishlepchiqirish bilen shughullinip, yene bir tereptin chégra qoghdash we uyghurlarning qarshiliq we naraziliq heriketlirini basturush wezipisini ijra qilip kéliwatqanliqi melum.

Chén chüengo bu qétimqi qurultayda yene «bingtüen» islahatini kücheytishni we «bingtüen», yeni ishlepchiqirish qurulush armiyesining uyghur rayonining jenubidiki küchini zoraytishni tekitligen.

Toluq bet