Xitay pilanliq tughut xadimlirining zorawanliq qilmishi eyibleshke uchridi

Muxbirimiz méhriban
2013.05.21

Amérikadiki chégrasiz ayallar hoquqini qoghdash teshkilatining bashliqi rüy jéy xanim, amérika awazi radi'osida bayanat bérip, ötken hepte shendung ölkiside yüz bergen pilanliq tughut xadimlirining topliship adem urush weqesini eyiblidi.

Rüy jéy xanim sözide bu qilmishning qanundin halqighan zorawanliq qilmishi ikenlikini tekitlep, “Biz dölet zorawanliqini arqa tirek qilip turup, puqralargha zerbe béridighan bu xil qebih qilmishni eyibleymiz. Ziyankeshlikke uchrighuchining atalmish jinayiti peqet uning birdin artuq perzent körgenliki iken. Munasiwetlik da'iriler bu qétimqi weqede adem urushqa qatnashqan pilanliq tughutni cheklesh xadimlirini qanun boyiche jazalishi, ziyankeshlikke uchrighuchining doxtur chiqimi we bashqa chiqimlirini tölep bérishi kérek,” dégen.

Amérikadiki di'alog fondi teshkilatining xewer qilishiche, 15-may küni xitayning shendung ölkisi lingjyang shehiridiki pilanliq tughutni cheklesh xadimliridin 20 din artuq kishi, pilanliq tughut siyasitige xilapliq qilip 3 perzentlik bolghan bir déhqanni urup uning béshini yériwetken, déhqanning méngisige qan chüshüp hayati xewp astida qalghan bolup, bu weqe bir heptidin buyan xitay tor béketliride zor ghulghuligha seweb bolghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.