Xitay da'iriliri “Bir perzentlik bolush tüzümi” ni yumshitidighanliqini jakarlidi
2013.12.28
Uyghur élide pilanliq tughut siyasiti hedep yolgha qoyuluwatqan mezgilde xitay da'iriliri shenbe künidin bashlap xitaydiki “Bir perzentlik bolush tüzümi” ni yumshitidighanliqi, eger ata-ana bolghuchi özlirimu yalghuz perzent bolghan bolsa ularning yene bir bala tughushigha ruxset qilinidighanliqini bildürdi.
Bu layihe bu yil noyabirda échilghan xitay kommunist partiyisining 17-nöwetlik qurultiyida otturigha qoyulghan. Emma xitay xelq qurultiyi da'imiy komitéti teripidin basturup qoyulghan. 1980-Yillardin bashlap yolgha qoyulghan mezkur siyaset Uyghur élide téximu qanliq ijra qilin'ghan.
Bu siyaset Uyghur élide yolgha qoyulghan jeryanda qorsaqtiki tughulay, dep qalghan baliliridin ayrilghan Uyghur anilirining rohiy we jismaniy jehetlerdin késellerge muptila bolghanliqi xewer qilin'ghan. Halbuki, bu siyaset Uyghur élide hélihem qattiq yürgüzülmekte.
Bu qétim xitayda “Yumshitilghan” pilanliq tughut siyasitining Uyghurlargha qaritilghan pilanliq tughut siyasitige qandaq özgirish élip kélidighanliqi hazirche melum emes.