D u q bayanatchisi dilshat rishit qaghiliqtiki oqqa tutush weqesini eyiblidi


2013.08.27

Dunya Uyghur qurultiyi bayanatchisi dilshat rishit bügün radi'omiz arqiliq bayanat bérip, 20 - awghust küni qaghiliqning yilqichi yézisidiki chöllükte térrorluq gumani bilen 28 neper Uyghurni oqqa tutush weqesini we weqedin kéyin da'irilerning rayonda élip barghan tutqun qilish herikitini qattiq eyiblidi.

Bayanatchi dilshat rishit bu weqede xitay da'irilirining jawabkarliqi sürüshtürülüshi kéreklikini tekitlep,“Qaghiliq yilqichi yézisida yüz bergen Uyghurlarni oqqa tutush weqesi, xitay hökümitining Uyghurlargha qarita qanliq basturush élip bériwatqanliqining ispati. Weqening yüz bérishige pütünley xitay hökümiti jawabkar bolushi kérek. Chünki saqchi da'iriliri “Herbiy meshq élip bériwatidu” dégen guman bilenla bu Uyghurlarni oqqa tutup, weqedin kéyin 60 tin artuq Uyghurni qolgha aldi” dédi.

Radi'omiz Uyghur bölümi igiligen ehwallardin melum bolushiche, 20 - awghust küni qaghiliqning yilqichi yézisi sériq'ata kentidiki chöllükte herbiy meshq qiliwatidu dep qaralghan 28 neper Uyghur yash térrorluq gumani bilen saqchilar teripidin oqqa tutulghan. Radi'omiz muxbiri bügün igiligen eng yéngi ehwaldin melum bolushiche weqede ölgenler 22 ge yetken. Seyshenbe küni xitay hökümet metbu'atlirida yilqichi yézisida ölgen xitay saqchisining qeshqer yéngisheher nahiyisi alahide saqchi etritining saqchisi ikenliki ashkarilan'ghan bolup, weqedin kéyin uning üchün ötküzülgen teziye murasimi heqqidiki xewer xitayning féyyang herbiy torida bérilgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.