Qazaqistan bash teptish idarisi tutqunlargha jinayi jawabkarliq artmaydiken

Muxbirimiz ümidwar
2016.05.29


Qazaqistan döletlik bash teptish idarisida 21 - may küni qazaqistanning bir qisim sheherliride hökümetning yer islahatigha, yeni yerlerni chet'elliklerge ijarige bérishni öz ichige alghan yéngi belgilimisige qarshi naraziliq namayishi ötküzüshke urun'ghanlarni tutqun qilish herikitide jem'iy 51 ademning tutqun qilin'ghanliqini resmiy bildürgen.

Perghane uchur torining xewer qilishiche, qazaqistan bash teptish da'iriliri bu 51 ademning ichide 12 ademge jerimane qoyush jazasi bérilgenliki, töt ademning qolgha élin'ghanliqi, qalghanlargha sot agahlandurushi bérilgenlikini körsetken.

Qazaqistan teptish orgini almata,astana, qaraghanda, otraw we bashqa sheherlerde hökümetning yer siyasitige qarshi naraziliq namayishi teshkilleshke urunushni qanunsiz heriket dep békitken. Emma, rusiye xewerler agéntliqining yézishiche, qazaqistan bash teptish orgini 21 - may küni tutqun qilin'ghanlarning jinayi jawabkarliqqa tartilmighanliqini eskertken.

Qazaqistanda yüz bergen bu weqe xelq'ara metbu'atlarning diqqitini tartqan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.