Uyghur diyarining siyasiy muqimliq emeldari qeshqerde tekshürüsh élip bardi

2017-03-05
Élxet
Pikir
Hembehr
Print
  • Print
  • Hembehr
  • Pikir
  • Élxet


Xitay paytexti béyjingda xitay memliketlik siyasiy kéngesh we memliketlik xelq qurultiyining yighinlirining ghelibilik échilishini qollash yüzisidin uyghur diyaridiki muqimliqni qoghdash we bixeterlik chare-Tedbirlirining téximu kücheytilgenliki melum.

1-Mart küni ürümchide échilghan muqimliq xizmiti téléwiziye yighinida muqimliq tedbirlirini kücheytishni telep qilghan uyghur aptonom rayonluq kommunistik partiye komitéti siyasiy qanun komitétining sékrétari, yeni uyghur diyaridiki amanliq we muqimliq xizmitige biwasite bashchiliq qilidighan ju xeylün, mexsus qeshqer wilayiti teweside muqimliq ishlirining qandaq élip bériliwatqanliqigha ait ehwallar üstidin tekshürüsh élip barghan.

Tengritagh torining bu heqtiki xewiridin ashkarilinishiche, ju xeylün 3-4 Mart künliri qeshqer shehiri, peyziyawat we yopurgha nahiyilirigha bérip, bu jaydiki qoralliq saqchi qisim, saqchi ponkitliri we bashqa jaylarning ehwalini közdin kechürgen hemde shu jaylardiki qoralliq saqchi, jamaet xewpsizlik kadir we eskerliri, yéza-Kentlerge chüshken kadirlarning pikirlirini anglighan.

Ju xeylün, ulargha qilghan sözliride؛ «bir qolda qattiq zerbe bérishni, yene bir qolda ittipaqlishishni ching tutush»ni shuningdek yene «köpchilik bilen ittipaqlishishni qolgha keltürüp, az sandikilerni yétim qaldurup, zerbe bérish»ni tekitligen.

U kentlerge chüshken kadirlarning öz xizmetlirini téximu yaxshi ishlishini telep qilghan.

Toluq bet