Uyghur élida 16 milyon 850 mingdin artuq adem «omumiy xelq salametlik tekshürishi» ge qatnashturulghan

Muxbirimiz qutlan
2017-01-01
Élxet
Pikir
Hembehr
Print
  • Print
  • Hembehr
  • Pikir
  • Élxet

Igilinishiche, dairiler bu yil 9-Aydin 12-Ayning axirighiche uyghur aptonom rayoni boyiche «omumiy xelq salametlik tekshürtüsh qurulushi» ni jiddiy rewishte élip barghan.

Xelq torining ilgiri sürishiche, 27-Dékabirgha qeder uyghur aptonom rayonida jemiy 16 milyon 850 ming ahale salametlik tekshürüsh programmisigha qatnashturulghan.

Xewerde déyilishiche, uyghur aptonom rayoni boyiche omumiy xelq salametlik tekshürüsh programmisigha qatnashturulghan kishilerning nisbiti 96 pirsentke yetken.

Buning ichide jenubtiki üch wilayet we bir oblasttin jemiy toqquz milyondin artuq ahale salametlik tekshürüshke qatnashturulghan bolup, bu yerdiki omumiy ahalining 98 pirsentini teshkil qilghan. Xewerde déyilishiche «omumiy xelq salametlik tekshürtüsh qurulushi» xoten wilayitide 100 pirsent orunlanghanliqi melum.

Radiyomizning xoten, qeshqer qatarliq jaylardiki yerlik uyghurlardin ehwal ilgilishiche, «salametlik tekshürüsh» qurulushi mejburiy yosunda élip bérilghan. Bu jeryanda her bir shexsning qan örniki, d n a örniki we bashqa fizikiliq shexsiy uchurliri élip qélinip, kompitotérda arxiplashturulghan.

Közetküchiler, bu «qurulush» ning noqul halda «salametlik tekshürüsh» la bolup qalmastin, belki weziyiti künséri murekkepliship kétiwatqan uyghur élida ahalilarning shexsiy uchurlirini torlashturup, rayonni uzaqqiche muqim idare qilishtiki bir xil istératégiyelik pilan bolushi mumkin, dégen gumanni texmin qilmaqta.

Toluq bet