Uyghur aptonom rayonluq aliy sot xitay siyasiy mehbusining naraziliq erzini ret qildi

Muxbirimiz erkin
2016-12-23
Élxet
Pikir
Hembehr
Print
  • Print
  • Hembehr
  • Pikir
  • Élxet

Uyghur aptonom rayonluq aliy sot jüme küni 19 yilliq qamaq jazasigha höküm qilinghan xitay siyasiy mehbusi jang xeytawning naraziliq erzini ret qilip, ottura sotning qararini küchke ige, dep élan qilghan.

Jang xeytaw 2015‏-Yili 6‏-Ayda «milliy öchmenlikke qutratquluq qilish» bilen qolgha élinip, 2016‏-Yili 1‏-Ayda ürümchi sheherlik ottura sot teripidin «hakimiyetni aghdurushqa qutratquluq qilish», «chetelge axbarat yetküzüsh» bilen qamaq jazasigha höküm qilinghan. Emma u, hökümge naraziliq bildürüp aptonom rayonluq aliy sotqa erz qilghan idi. Sot höjjetliridin melum bolushiche, jang xeytaw shayar türmisige yötkep kétilgen.

Uning délosi xelqara kishilik hoquq teshkilatliri we yawropa ittipaqining diqqitini qozghighan idi. Yéqinda yawropa ittipaqi we ittipaqqa eza döletlerning xitayda turushluq elchiliri élan qilghan ortaq bayanatida, jang xeytawning ismini tilgha élip, uning teqdiridin endishe qiliwatqanliqini bildürgen idi.

Jang xeytaw ilgiri boshün qatarliq cheteldiki xitay öktichi tor betliride maqale élan qilip, xitayning uyghurlar heqqidiki we bashqa mesililerdiki siyasitini tenqid qilghan.

Toluq bet