11 Mehbusqa «kechürüm qarari» ni sot emes, jang chünshyen bergenliki melum

Muxbirimiz shöhret hoshur
2016-02-04
Élxet
Pikir
Hembehr
Print
  • Print
  • Hembehr
  • Pikir
  • Élxet

Tengritagh torining tünügünki xewiridin ashkarilinishiche, 11 uyghur siyasiy mehbusning jazasini yéniklitish qararini awwal uyghur aptonom rayondiki sot organliri emes, belki partkom sékrétari jang chünshyen bergen.

Xewerde 1 ‏-Féwral küni 1 ‏-Türmide échilghan mezkur höküm élan qilish yighini heqqide eynen mundaq déyilgen: «bu qétimliq yighin j k p merkiziy komitéti siyasiy byurosining ezasi, aptonom rayonluq partkomning shujisi jang chünshyenning teshebbusi bilen échildi hem jang chünshyen shuji muhim testiqiy yolyoruq berdi».

Xitay dairiliri nechche waqittin béri özlirining döletni qanun bilen idare qilip kéliwatqanliqi ilgiri sürüp, atalmish térrorluq déloliridiki üstidiki hökümlerning siyasiy qarar bilen bériliwatqanliqini inkar qilip kelgen idi.. Tengritaghning mezkur xewiride bayan qilinishiche jang chünshyenning testiq yolyoruqida mundaq déyilgen: «partkom, xelq hökümiti we men jaza ötewatqanlargha izchil köngül bölüp, diqqet qilip kéliwatimiz, silerning tiriship özgirip, türmidin tézrek chiqip, yéngi hayatqa qedem qoyushunglarni ümid qilimen».

Uyghur közetküchilerning qarishiche, tengritaghning xewiridiki yuqiriqi bayanlar, uyghur rayonidiki siyasiy délolarning qanuniy tertip boyiche emes, siyasiy qarar we emeldarlarning xahishi boyiche bir terep qiliniwatqanliqini ispatlimaqta.

Toluq bet