Хитайдики тамака чекиш мәсилиси йәнә дуняниң диққитини қозғимақта

Мухбиримиз әзиз
2017.04.14

Дуня бойичә нопуси әң көп болған хитай дөлити өз нөвитидә йәнә дуня бойичә тамака чекидиғанларниң санидиму дуня бойичә алдинқи қатарда туриду. Фирансийә хәвәр агентлиқиниң бүгүнки хәвиридә ейтилишичә, 21-әсирдә хитайда аз дегәндиму 200 милйон киши тамакиға четишлиқ кесәлләр түпәйлидин һаятидин айрилиши мумкин икән.

Хәвәрдә ейтилишичә хитайдики тамака содиси дөләт малийисидә ғайәт зор нисбәтни игиләйдиған болуп, 2015-йилиниң өзидила 160 милярд америка доллири сап пайда яратқан.

Мәлум болушичә, хитайдики әрләрниң йерими дегүдәк тамака чекидикән.

Хитайдики нурғун җайларда тамака чекишни мәни қилиш һәққидики бәлгилимиләр асасән иҗра қилинмайдиған болуп, бу җәһәттики әң ғулғула қозғиған мисал уйғурлар дияридики хотән вилайитидә йүз бәргән җелил мәтниязниң өз йезисидики имам алдида тамака чәкмигәнлики һәмдә бу сәвәблик җазаланғанлиқи болған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.