«Shinjangning üch tarixi» heqqidiki «ochuq xet» xitay hökümitini agahlandurghan

Muxbirimiz qutlan
2017-08-07
Élxet
Pikir
Hembehr
Print
  • Print
  • Hembehr
  • Pikir
  • Élxet

«Tengritagh tori» da arqa-Arqidin élan qiliniwatqan yuqiri derijilik emeldarlarning «ochuq xet» liri xitayning uyghur diyaridiki yuqiri bésimliq siyasitining zadi qaysi derijige yetkenlikini körsitip bermekte.

6-Awghust küni uyghur aptonom rayonluq ijtimaiy penler birleshmisining partkom sékrétari shü rüyjün «tengritagh tori» da «shinjangning ‹üch tarixi› ni burmilashqa bolmaydu» namliq bir parche «ochuq xet» élan qilghan.

Uningda mundaq déyilgen: «köp yillardin buyan, idéologiye sahesidiki ‹erkinlik toni› ni yépinchaqlighan bir qisim kishiler chégra sirtidiki ‹üch xil küch› ler bilen masliship, shinjangning ‹üch tarixi› ni burmilap keldi. Ular shinjangning ezeldin junggoning ayrilmas bir qismi ikenlikini we tarixtiki merkiziy hökümetlerning shinjangni idare qilip kelgenlikini inkar qilip, shinjangning, shundaqla seddichinning sirtidiki jaylarning ezeldin musteqil jaylar ikenlikini dawrang sélip keldi. Ular, uyghurlar shinjangning eng qedimki yerlik ahalisi, bashqa milletlerning hemmisi kéyin köchüp kelgen dégen sepseteni bazargha saldi. Ular hetta, shinjangning tarixtin buyan köp milletlik we köp dinliq rayon ikenlikini inkar qilip, uyghurlarning jungxua millitining ortaq gewdisi bilen bolghan alaqisini yoqqa chiqirishqa urunup keldi.»

Shü rüyjün mezkur «ochuq xet» te hökümet organliri bilen ijtimaiy pen sahesidikilerni yüksek derijide sezgürlükni ashurup, idéologiye saheside, bolupmu tarixiy mesililerde «bölgünchilik» ning yiltizini üzül-Késil qirqishqa, «üch xil küch» lerge qaqshatquch zerbe bérishke ündigen.

Közetküchiler, bu xitay dairilirining rayonda idéologiye we tarix sahesi boyiche yene bir meydan «tazilash» élip bérishqa teyyarliniwatqanliqining béshariti, dep qarimaqta.

Toluq bet