Tayland hökümiti uyghur musapirlirini qandaq bir terep qilishni téxi qarar qilmighan

Muxbirimiz erkin
2017-07-14
Élxet
Pikir
Hembehr
Print
  • Print
  • Hembehr
  • Pikir
  • Élxet

Tayland hökümitining bir yuqiri derijilik emeldari amérika axbaratigha söhbet élan qilip, tayland hökümitining qamaqtiki uyghur musapirlirini qandaq bir terep qilishqa téxi qarar bermigenlikini bildürgen.

«Amérika awazi» radiyosining jüme küni xewer qilishiche, tayland herbiy hökümitining muawin bash ministirining meslihetchisi panitan watanayagon mezkur axbarat orginining bangkoktiki muxbirigha qilghan sözide, uyghur musapirlirini qandaq bir terep qilish heqqidiki axirqi qarar téxi chiqirilmighanliqini bildürgen. Tayland hökümiti 2015‏-Yili 7‏-Ayda balilar, ayallar we bir qisim erkekler bolup yüzdin artuq uyghur musapirni xitaygha mejburiy qayturup bergen. Uning bu herikiti xelqara kishilik hoquq teshkilatliri, b d t musapirlar idarisi we uyghur teshkilatlirining qattiq eyiblishige uchrighan.

Arqidinla bangkoktiki ibadetxana etrapida partlash yüz bérip, 20 dek adem ölgen. Tayland hökümiti ikki uyghurni partlashqa chétishliq, dep qolgha élip, resmiy eyibligen. Emma bu uyghur, hazirgha qeder özlirining partlashqa chétishliq ikenlikini ret qilip kelgen.

«Amérika awazi»ning xewiride qeyt qilishiche, panitan, «hazirqi weziyette biz, bolupmu dölet xewpsizlik komitéti uyghurlarni öz ichige alghan perqliq guruppilarni öz dölitige yaki 3‏- Bir döletke ötküzüp bérishni dawamliq közdin kechürüwatimiz» dégen. Xelqara kishilik hoquq teshkilatliri, herqandaq bir dölet uyghur musapirlirini xitaygha ötküzüp berse, ularning hayati xewpke duchar bolidighanliqini, ular ten jazasigha uchrash yaki iz ‏- Déreksiz yoqap kétishtek éghir aqiwetke qalidighanliqini agahlandurup keldi.

Toluq bet