Uyghur tili we islam dinigha da'ir mezmunlar yeslilerde qattiq cheklenmekte

Muxbirimiz eziz
2017.09.25

Ijtima'iy taratqularda keng tarqalghan “Xotendiki yesli oqutquchiliri üchün sekkiz intizam we xotendiki dölet tili ma'aripigha da'ir besh belgilime” namliq höjjet Uyghurlar diyaridiki yeslilerde Uyghur tili we islam dinigha da'ir mezmunlarning qattiq teqib astigha ötkenlikini yene bir qétim eks ettürmekte.

Mezkur belgilimide oqutush pa'aliyetlirining “Dölet bir tutash qollinidighan til”, yeni xitay tilida bolidighanliqi, buning 2017-yili küzlük oqush mewsumidin bashlap bashlan'ghuch 1-yilliqtin toluqsiz 1-yilliqqiche bolghan siniplarda ijra qilinidighanliqi tekitlen'gen.

Uning ikkinchi we üchinchi maddilirida oqutquchilarning din'gha étiqad qilishi hemde herqandaq shekildiki diniy pa'aliyetke qatnishishi qet'iy men'i qilin'ghan. Shuningdek diniy puraqqa ége herqandaq kiyimni kiyish, jümlidin er oqutquchilarning saqal-burut qoyushi, ayal oqutquchilarning yaghliq artishi cheklen'gen.

Buningdin birnechche ay ilgiri Uyghur aptonom rayonidiki ma'arip tarmaqliri Uyghur tilining ma'arip saheside ishlitilmeydighanliqi heqqide resmiy höjjet chiqarghan idi. Emdilikte bolsa buning yeslilerdin bashlap qattiq ijra qilinishi muhajirettiki Uyghurlar arisida küchlük ghulghula peyda qilmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.