Xitay da'iriliri tyen'enméndiki mashina hujumigha alaqidar 5 Uyghurni tutqun qilghan
2013.10.30
Xitay da'iriliri charshenbe kündiki bayanatida tyen'enméndiki mashina hujumni “Térrorluq weqesi” dep atidi we weqege chétishliqi égiri sürülgen 5 Uyghurni tutqun qilghanliqini bildürdi.
Béyjing sheherlik saqchi idarisining bayanatigha qarighanda, mezkur mashina hujumini teshkilligüchiler dada, ana we balidin ibaret bir a'ile kishiliri bolup, bularning hemmisi Uyghur iken.
Düshenbe küni xitayning siyasiy jehettin eng sezgür orunliridin gugum sariyining kirish ishiki-tyen'enménde mashina bilen hujum qilish weqesi yüz bergen.
Weqede hujumchilarni öz ichige alghan 5 adem ölgen, 38 adem yarilan'ghan.
Weqedin kéyin xitay da'iriliri etrapni jiddiy qamal qilip, weqening tepsilatini axbarattin yoshurghan, gumandarlarning pichan we guma nahiyiliridin kelgen Uyghur ikenlikini élan qilghan idi.
Bügünki tepsilatlarda xitay saqchiliri gumandarlar heqqide élan qilghan melumatlarning saxta ikenlikini ilgiri sürülmekte.
Xitay hökümiti mezkur weqeni “Térrorluq hujumi” dep élan qilghan bolsimu, bu weqe gherb metbu'atlirida “Uyghurlarning siyasiy bayanati” dep sherhlenmekte.