Xitay uyghur rayonida amanliq qoghdash ishlirigha azadliq armiyeni ishqa salghan

Muxbirimiz erkin
2017-03-03
Élxet
Pikir
Hembehr
Print
  • Print
  • Hembehr
  • Pikir
  • Élxet

Xitay hökümiti uyghur rayonida amanliq qoghdashqa azadliq armiyeni qatnashturghan. Teywen merkizi agéntliqining xewer qilishiche, jüme küni 5000 kishilik qoralliq azadliq armiye qisimliri qeshqer, xoten, aqsu, qizilsu tash yolini qoghdashqa sélinghan.

Dairiler yene, ot öchürüsh etretlirige qoral-Yaraq seplep bergen. Xewerde, qeshqer qatarliq 4 rayondiki 300 dek öt öchürüsh xadimining qorallandurulghanliqini bildürgen.

Xewerde qeyt qilishiche, yol éghizliridiki tekshürüsh ponkitini qoralliq saqchilar qoghdap, aptomobillarni shular tekshürmektiken. Sirtqi liniyeni qoghdashni bolsa azadliq armiye üstige alghan.

Bu tedbirler jüme küni xitayning memliketlik siyasiy kéngishi we xelq qurultiyi yighini bashlanghan mezgilde yolgha qoyuldi. Xitay hökümiti 1989‏-Yili tyenenmén herikiti, 1990‏-Yili «barin weqesi»ni basturushta azadliq armiyini ishqa salghan bolsimu, biraq shuningdin béri, uning ichki amanliqni qoghdashqa azadliq armiyeni seperwer qilishi körülüp baqmighan. U, 2009‏-Yili «5‏-Iyul weqesi»ni basturghanda qoralliq saqchi, alahide saqchi etriti we bashqa amanliq küchlirini qollanghan idi.

Biraq bu qétim, uning azadliq armiye qisimlirini seperwer qilishi diqqet qozghidi. Xitay axbarat wasitilirining qeyt qilishiche, dairiler ötken düshenbe küni xitay qoralliq saqchi qisimlirining tengritagh rayonida ötküzgen térrorluqqa qarshi manéwirigha azadliq armiye qisimlirini qatnashturghan. Xitay «yer shari waqti géziti»ning xewiride, manéwirgha xitay hawa armiyesi we herbiy shtati namelum bir qisimning qatnashqanliqini bildürgen idi.

Toluq bet