Xitay uyghur musteqilchilirini xitaygha qarshi eng zor xiris dep élan qildi

Muxbirimiz erkin
2017-03-10
Élxet
Pikir
Hembehr
Print
  • Print
  • Hembehr
  • Pikir
  • Élxet

Xitayning yuqiri derijilik bir amanliq emeldari, uyghur rayonidiki islamchi uyghur musteqilchilirini xitayning bixeterliki, iqtisadi we ijtimaiy muqimliqi üchün eng zor xiris dep körsetken.

Xitay axbarat wasitilirining qeyt qilishiche, bu sözlerni xitayning bixeterlik we térrorluqqa qarshi turush ishlirigha mesul dölet komissari chén goping qilghan. Xitay «junggo géziti»ning jüme küni neqil keltürüp bergen xewiride, chén goping, «sherqiy türkistan islam herikiti xitayning ijtimaiy muqimliqi, iqtisadi tereqqiyati we dölet bixeterliki üchün eng zor xiris» dégen.

U yene, xitayning «afghanistanning diniy radikal we térrorluq guruhlarning yene bir makanigha aylinip qélishini yéqindin teqib qilishi kérek»likini tekitlep, «bundaq zor tereqqiyat gherbiy shimal chégramizning bixeterlikige jiddiy xiris peyda qilishi mumkin» dégen.

Roytérs agéntliqi jüme küni bergen xewiride, xitayning iraq we süriyege bérip qoralliq guruhlar sépide urush qiliwatqan uyghurlardin endishe qilidighanliqini bildürdi. Bezi közetküchiler, ilgiri daish we elqaidining iraq we süriyede meghlup bolsa, afghanistangha yötkilish éhtimali barliqini bildürgen. Bezi kishilik hoquq teshkilatlirining ilgiri sürüshiche, xitayning uyghur rayonidiki musulmanlargha qarshi assimilyatsiye qilish we iqtisadi, siyasiy, medeniyet we diniy qattiq qol siyasiti bezi uyghurlarni qoralliq qarshiliq qilish yollirini izdeshke mejburlighan.

Toluq bet