Uyghur rayoni da'iriliri pasport tarqitish miqdarini zor derijide ashurghanliqini xewer qildi

Muxbirimiz irade
2015-12-03
Élxet
Pikir
Hembehr
Print
  • Print
  • Hembehr
  • Pikir
  • Élxet

1-Dékabir küni, uyghur aptonom rayonluq j x nazariti 5-awghusttin 19-noyabirghiche jemiy 213 ming 708 pasport tarqatqanliqini, buning aldinqi oxshash mezgilidikidin % 240.8 Ashqanliqini jakarlidi.

"tengritagh tori" bu heqtiki xewiride, yéngi pasport siyasiti yolgha qoyulghandin buyan "228 ming 876 ademning pasport béjirish iltimasi qobul qilinip, 'birla qétimda béjirip bérish' tüzümi boyiche nurghun qolayliqlarning yaritilghan" liqini bildürgen.

Biraq, mezkur xewerde bu nöwet yéngi pasport alghanlar nisbitining qanchilikini uyghurlar igileydighanliqi körsitilmigen.

Uyghur aptonom rayonluq j x nazariti bu yil awghustta uqturush tarqitip, bundin kéyin uyghur élidiki ahalilerning bir parche iltimas jedwilini toldursila pasport alalaydighanliqini jakarlighan idi.

Bu, eyni chaghda chetellerdiki közetküchilerning diqqitini qozghighan. Chünki xelqara kishilik hoquq organliri xitay hökümitining uyghurlarning pasport élishini qiyinlashturup, erkin sayahet qilish erkinlikige dexli qiliwatqanliqini eyiblep kelgen idi.

Toluq bet