Uyghur weziyiti tetqiqatchisi wang lishyung sayahet cheklimisige uchridi

Muxbirimiz shöhret hoshur
2015.12.24

Uzun yillardin béri Uyghur we tibet weziyitini közitip kéliwatqan béyjingdiki musteqil tetqiqatchi wang lishyung shenbe küni béyjing xelq'ara ayrodromida yaponiye sepiridin toxtitip qoyulghan.

Melum bolushiche, bu yil 62 yashqa kirgen wang lishyung muxbirlargha özining “Dölet bixeterlikige xewp yetküzüsh gumani” bilen seperdin toxtitip qoyulghanliqini ashkarilighan bolsimu, emma bu heqte pikir bayan qilishni ret qilghan we özining bu heqte axbaratqa gep qilmasliq heqqide saqchilargha wede bergenlikini ashkarilighan.

Wang lishyung1999 ‏-yili yanwarda, xitayning Uyghur siyasiti heqqide yazghan bir maqalisi seweblik “Dölet mexpiyetlikini ashkarilash jinayiti” bilen eyiblinip 42 kün qamaqta yatqan. U yene amérika dölet erbabliridin jon kerriy 2014 ‏-yili béyjingni ziyaret qiliwatqan mezgilide ayali- tibet yazghuchi wusér bilen birlikte öz qorusida nezerbend astigha élin'ghan.

Radi'omizning bügünki bu heqtiki in'glizche xewiride eskertilishiche, wang lishyung ötken yili mehbus proféssor ilham toxtini nélson mandilagha oxshitish arqiliq xitay da'irilirining yene bir ret chishigha tegken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.