Teshwiqat tékistliridin Uyghurlar diyarining omumiy weziyitige nezer tashlandi

Muxbirimiz eziz
2017.09.18

Uyghurlar diyaridin köpchilikke melum boluwatqan siyasiy, iqtisad we medeniyet sahesidiki türlük uchurlar mezkur rayonning hazirqi halitini yaxshi chüshinishte tégishlik rol oynap kelmekte.

Buningda axbarat sahesining mushu heqtiki xewerliridin bashqa Uyghurlar diyaridiki teshwiqat resimliri hemde teshwiqat tékistliri heqqidiki yazmilarmu muwapiq orun igileydu. Frédrék dé yangning qelimige mensup “Kontékisttiki Uyghur tékistliri: ammiwi sorunlardin höjjetleshtürülgen shinjangdiki hayat” mawzuluq eser ene shularning biridur.

Gollandiyediki ütréxt uniwérsitétining pénsiyege chiqqan proféssori frédrik dé yang 2008-yilidin taki “5-Iyul weqesi” din kéyinki waqitlarghiche bolghan mezgilde Uyghurlar diyarining herqaysi jaylirida sayahette bolghan. U bu jeryanda herqaysi ammiwi sorunlardin süretke alghan 126 parche Uyghurche teshwiqat tékistini toplap ularni én'glizchige terjime qilghan hemde ulargha qisqa sherhi ishligen. Buning bilen Uyghurlar diyaridiki ré'al turmush bir qétim tepsiliy qarap chiqilghan.

Mezkur eserni dunyadiki eng dangliq neshriyatlardin bolghan birill neshriyati neshr pilanigha kirgüzgen bolup, kéyinki ayda neshrdin chiqidiken. Aptor buningdin 10 yil ilgiri “Hazirqi zaman Uyghur tili grammatikisi” namliq kitabini neshr qildurghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.