Ürümchi j x idarisi: « chaghan mezgilide pasport béjirish waqitliq toxtaydu dégen söz ighwa»

Muxbirimiz qutlan
2016-01-18
Élxet
Pikir
Hembehr
Print
  • Print
  • Hembehr
  • Pikir
  • Élxet

Shinxua torining xewirige qarighanda, yéqindin buyan xitayda «j x ministirliqi chaghan mezgilide saqchi sistémisining torini taqaydiken» dégen gep-Sözler tarqalghan.

Buning bilen pütün xitaydiki pasport béjirmekchi bolghan ahaliler jiddiyliship, herqaysi ölke, sheherlerdiki saqchixanilarning pasport béjirish orunlirigha bolghan bésim hessilep kücheygenliki melum.

Igilinishiche, xelq arisigha tarqalghan bu gep-Sözler uyghur aptonom rayonidiki chetelge chiqishni pilan qiliwatqan ahalilernimu jiddiyleshtürgen. Minglighan kishiler chaghandin burun pasport béjiriwélish üchün uzun öchiret hasil qilip, ürümchi sheherlik j x idarisige éghir bésim peyda qilghan.

15-Yanwar küni ürümchi sheherlik j x idarisi bu heqte alahide bayanat élan qilghan. Bayanatta mundaq déyilgen: «chaghan mezgilide saqchi idariliri sistémini taqap, pasport béjirishni waqitliq toxtitidiken dégen sözler pütünley ighwa. Saqchi terep hazir ighwa peyda qilghanlarni jiddiy tekshürmekte.»

Közetküchiler, meyli xitay ölkiliride bolsun yaki uyghur élida bolsun, pasport mesilisi taki bügünki küngiche xitay puqraliri üchün sezgürlüki alahide yuqiri bir ish. Chünki xitaydiki uzun mezgillik pasport kontrolluqi ahalilerning saqchi sistémisigha bolghan ishenchini tewritip tashlighan, dep qarimaqta.

Toluq bet