Xitay da'iriliri uyghurlarning pasport we kimlikidiki isim-familisini tertipke salidiken

Muxbirimiz erkin
2016-04-01
Élxet
Pikir
Hembehr
Print
  • Print
  • Hembehr
  • Pikir
  • Élxet

Xitay hökümiti bu yil uyghurlarning pasport we kimlik guwahnamisidiki isim familisini tertipke sélip, uning yézilishi bilen oqulushini, xitaychisi bilen uyghurchisini birlikke keltüridighanliqini bildürgen.

"asiya kindiki" gézitining ilgiri sürüshiche, bu xitay hökümiti bu yil uyghur aptonom rayonida emeliyleshtüridighan 20 türlük konkrét tedbirning bir qismiken. Xewerde, uyghurlarning pasport, kimlik qatarliq guwahnamiliride, isim-familisi ahangdash bolsimu, yézilishi perqliq bolush, isim-familisini artuq yaki kemtük yézish, famile bilen isimning ornini almashturup qoyush, isim-familisini izchil bir xil xet bilen yazmasliq qatarliq ehwallar her millet ammisigha nurghun qulaysizliqlarni élip kelgenlikini bildürgen.

Xitay j x da'irilirining uyghurlargha pasport ishligende ularning ismi bilen familisini almashturup, famile ornigha ismini yézish, teleppuzini xitaychigha özgertish ehwali uyghurlarning izchil naraziliqini qozghap kelgen.

Uyghur pa'aliyetchiler, xitay da'irilirini uyghurlarning isim-familisini toghra yézish qa'idisige buzghunchiliq qilish bilen eyibligen idi. "asiya kindiki" gézitining xewiride qeyt qilishiche, da'iriler bu yil banka, ijtima'iy parawanliq, dawalinish qatarliq sahelerde ölchemni birlikke keltürüp, pasport we 2‏-ewlad kimlikini heqsiz almashturup béridiken.

Uyghur aptonom rayonluq partkom yéqinda "milletler ittipaqliqi yili" seperwerlik yighini chaqirtip, 20 türlük tedbir élan qilghan. Uyghurlargha yolgha qoyulghan "yéshil kart" tüzümini bikar qilish shu tedbirlerning biri idi.

Emma uyghur pa'aliyetchilirining qeyt qilishiche, bu tedbirler weziyetni bir mezgillik kontrol qilishqa yaraydighan taktikiliq tedbirler bolup, u, uyghurlarning siyasiy hoquqigha da'ir négizlik mesilini hel qilmaydu.

Toluq bet