Ilida pasport iltimas qilghanlarning DNA sini élish tüzümi yolgha qoyulghan

Muxbirimiz méhriban
2016-06-07
Élxet
Pikir
Hembehr
Print
  • Print
  • Hembehr
  • Pikir
  • Élxet

Xitayning ili oblastliq partkomining organ géziti bolghan «ili géziti» de ötken hepte élan qilinghan bir xewerde, 1-Iyundin bashlap, ili oblastida pasportqa iltimas qilghanlardin «shu kishining DNA sini éniqlaydighan qan ewrishkisini élish, barmaq izini we awaz xatirisini élish» qatarliq üch ölchemlik kimlik xatirisi tüzümi yolgha qoyidighanliqi élan qilinghan.

«Ili géziti»ning mezkur xewiride, chégradin kirip -Chiqishni bashqurush shöbe idarisi mesulining sözi neqil élinip, «yéngi belgilimige asasen, közneklerdiki xadimlar pasport we xongkong, teywen qatarliq jaylargha baridighan yol xéti iltimas qilghanda, eger ularning biologiyelik uchurliri élinmighan yaki toluq bolmighan bolsa iltimasi ret qilinidu» déyilgen.

Mezkur xewer xelqara taratqularning diqqitini tartti. Engliye b b s agéntliqi, birleshme agéntliqi qatarliqlarning 7-Iyun seyshenbe künidiki sanlirida xitay dairilirining puqralarning pasport élishigha qarita bu xil 3 ölchemlik ewrishke élish belgilimisini peqet ili rayonidila yolgha qoyushi diqqet qozghaydighanliqi tilgha élindi.

B b s agéntliqining xewiride «xitay j x ministirliqining puqralarning pasport élishigha qoyulghan telep-Belgilimiler ichide shu kishining DNA sini éniqlaydighan qan ewrishkisini élish belgilimisi yoq, emma ili gézitidiki mezkur xewerdin hazir bu belgilimilerning alliburun uyghur aptonom rayonida yolgha qoyulghan bolushini hés qilish mumkin» déyildi. Radiyomiz bultur 5-Ayda ilidiki yerlik hökümet dairiliridin igiligen ehwallardin bultur ili oblastidiki saqchixanilarning uyghur qatarliq yerlik milletlerning «pasportini saqchixanilar saqlap bérish» namida yighiwalghanliqi, pasporti lazim bolghanlarning saqchixanilargha iltimas qilghandin kéyin, eger ularning salahiyitide gumanliq ehwallar körülmise, shu kishining pasporti qayturup bérilidighanliqi» melum bolghan idi.

Toluq bet