S n n we nyuyork waqti géziti uyghur élidiki pasport yighiwélish herikitini xewer qildi

Muxbirimiz irade
2016-12-01
Élxet
Pikir
Hembehr
Print
  • Print
  • Hembehr
  • Pikir
  • Élxet

Uyghur élide yolgha qoyuluwatqan pasport yighish herikiti xelqaradiki dangliq xewer organliridin amérikidiki s n n téléwiziyisi we nyuyork waqti gézitliride xewer qilindi.

Nyuyork waqti géziti 1-Dékabir küni élan qilghan xewiride, uyghur élide omumyüzlük halda pasport yighiwélish herikitining bu yil öktebirdin bashlanghanliqini, uyghur élining jenubidiki xoten qatarliq jaylardin kelgen uyghurlarning xelqaraliq ayropilanlargha chiqishtin tosup qoyulghanliqidek ehwallarning yüz bergenlikini xewer qilghan.

Uningda, bu qétimliq pasport yighishning meqsiti éniq bolmisimu, emma közetküchilerning buni uyghur aptonom rayonigha yéngidin sékrétar bolghan chén chüengoning emri bilen ijra qiliniwatqan bolushi mumkin dep qaraydighanliqini, chén chüengoning tibette wezipe ötigen 5 yil jeryanida qattiq bixeterlik tedbirlirini yolgha qoyush bilen tonulghan kishi ikenlikini bildürgen.

S n n téléwiziyisi bu heqte tarqatqan xewiride, pasport yighiwélish herikitining xelqaradiki kishilik hoquq organlirining küchlük tenqidige uchrighanliqi, merkizi gérmaniyediki dunya uyghur qurultiyining buni uyghurlarning erkin sayahet qilish, yötkilish erkinlikini chekleshni meqset qilghan, dep qaraydighanliqini bildürgen. Xewer programmisida yene, kechürüm teshkilatining tetqiqatchisi williyam ni ziyaret qilinghan bolup, willyamni sözide pasport üchün iltimas qilghanlarning d n a, qan örniki, qeytke élinghan awazi, barmaq izi qatarliqlarni tapshurushi kéreklikini eskertip, «mana bular hökümetning uni kishilerni kontrol qilish üchün qolliniwatqanliqini ochuq körsitip béridu», dégen.

Toluq bet