Хитай дөләт хәвпсизлик министирлиқиниң муавин министири ма җйән парихорлуқ қилмиши билән тәкшүрүлгән

Мухбиримиз қутлан
2017.02.06

Ши җинпиңниң “парихорлуқ” вә “чириклик” кә қарши тазилаш һәрикити давамида хитай һөкүмитиниң юқири дәриҗилик әмәлдарлириниң давамлиқ түрдә “овлаш нишани” қилиниватқанлиқи мәлум.

Бирләшмә агентлиқниң бүгүн бейҗиңдин бәргән хәвиригә қариғанда, хитай дөләт хәвпсизлик министирлиқиниң муавин министири ма җйән тәптиш органлири тәрипидин рәсмий дело турғузулуп тәкшүрүлмәктикән.

Хитай мәмликәтлик алий сот мәһкимиси тәптиш ишханисиниң билдүрүшичә, ма җйәнниң делоси нөвәттә “мәҗбурий васитә” қоллинип делосини тәкшүрүш басқучида турмақтикән.

Игилинишичә, ма җйән 2006-йилидин буян хитай дөләт хәвпсизлик министирлиқиниң муавин министири болуп вәзипә өтигән болуп, асаслиқи хитайниң җасуслуққа қарши саһәсигә мәсул болған икән.

Хитай һөкүмәт таратқулири ма җйәнниң һоқуқини суйиистемал қилип, өз көмичигә чоғ тартиш, уруқ-туғқанлириниң сода-тиҗаритигә йол ечип бериш, чәтәлгә пул йөткәш, бейҗиңда 6 җайда һәшәмәтлик дача селиш вә һөкүмәт расхоти билән 6 ашнисини беқиштәк бир қатар “җинайи қилмишлири” ни ашкарилиған.

Ма җйән өткән йили 12-айда хитай компартийәсидин қоғлап чиқирилип тәптиш органлириға тапшурулған. Көзәткүчиләр, униң делосиниң муддәтсиз қамақ җазасиға һөкүм қилинған җу йүңкаңға бағлап қаттиқ бир тәрәп қилинидиғанлиқини тәхмин қилмақтикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.