Хитай алий сотиниң сабиқ муавин башлиқи өмүрлүк қамақ җазасиға мәһкум қилинди

Мухбиримиз ирадә
2017.02.16

Шинхуа агентлиқиниң 16-феврал күнидики хәвиригә қариғанда, хитай алий сотиниң сабиқ муавин башлиқи ши шявмиң парихорлуқ җинайити билән өмүрлүк қамақ җазасиға һөкүм қилинип, сиясий һоқуқлиридин мәһрум қилинған.

Пәйшәнбә күни тйәнҗин оттура сот мәһкимисидики сотта, униң хизмәттики мәзгилидә йәни 1996‏-йилидин 2015-йилиғичә болған арилиқта вәзиписидин пайдилинип туруп 114 милйон сом йәни алаһазәл 16 милйон доллар қиммитидә пара алғанлиқи илгири сүрүлгән. Сот қарариға асасән, униң барлиқ мал-мүлки мусадирә қилинидикән.

Ши җинпиң һакимийәт бешиға кәлгәндин буян, чирикликкә қарши күрәш нами астида нурғун юқири дәриҗилик әмәлдарларни ғулатти. Бирақ чәтәлләрдики кишилик һоқуқ органлири, бу кишиләргә аит мустәқил тәкшүрүшләрниң йоқлуқини көрситип туруп, буниң бир җинайи дава яки сиясий өч елиш вәқәси икәнлики һәққидә соал қоймақта.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.