Uyghurlar diyaridiki xitay emeldarlar béyjingdiki «orda kürishi» ning qurbanlrigha aylanmaqta

Muxbirimiz eziz
2017-04-12
Élxet
Pikir
Hembehr
Print
  • Print
  • Hembehr
  • Pikir
  • Élxet

«Büyük éra» torining bügünki xewiride éytilishiche uyghurlar diyaridiki yuqiri derijilik birnechche emeldar, jümlidin olturaq öy we sheher-Yéza qurulushi nazaritining partkom sékrétari li jyenshin, aptonom rayonluq tébbiy uniwérsitétning sékrétari li bin qatarliqlar «xizmettiki qulayliqtin paydilinip zor miqdarda para yégen» dégen eyibleshler bilen 10 yilliq we 11 yilliq qamaqqa höküm qilinghan.

Xewerde éytilishiche bu ikkiylen yuqiri derijilik rehbiri kadir bolup ishlewatqan mezgillerde on nechche milyon som para alghan, ularning qamaq jazasigha uchrishining uyghurlar diyaridiki siyasiy muhit bilen alaqisi barliqi heqqide héchqandaq melumat yoq.

«Büyük éra» toridiki xewerde déyilishiche hemde alaqidar ehwallardin xewerdar kishilerning bayanlirigha qarighanda uyghur diyari izchil halda béyjingdiki «jyang zémin guruhi» ning uwisi, dep qarilip kelmekte. Bu qétim qamaqqa höküm qilinghan bu ikkiylen jyang zémin guruhidiki gholluq hoquqdarlardin ju yongkang zamaniside uning shérikliri, dep qariliwatqan wang léchuen we jang chünshyenning biwasite qol tiqishi bilen östürülgenler iken. Shu sewebtin bu qétimqi qolgha élish herikitini xitay analizchiliri «shi jinping yolgha qoyuwatqan jyang zémin guruhining shinjangdiki tesirini tazilash herikitining bir qismi bolushi éhtimalgha tolimu yéqin» dep qarimaqta.

Bu yil kirgendin bashlapla uyghurlar diyarida jang chünshyen dewride östürülgen köpligen yuqiri derijilik emeldarlar, jümlidin «shinjang uniwérsitéti» ning muawin mudiri dilmurat ghopurjan, ormanchiliq nazaritining naziri nijat mehmud, maarip nazaritining naziri sattar sawut, xoten wilayetlik saqchi idarisining muawin bashliqi nijat awut qatarliqlar wezipisidin qaldurulup tekshürülgen idi.

Toluq bet