Xitay öktichi sotta özini aqlashni ret qilghan
2014.01.22
Charshenbe küni béyjingda sotqa tartilghan xitay öktichi shü jiyong sotni adaletsiz dep qarighachqa, sot jeryanida özini aqlashni ret qilghan.
Melum bolushiche, charshenbe küni shü jiyong sotlan'ghan sotxana aldida uni qollaydighan bir nechcheylen namayish qilghan. Saqchilar namayishchilardin üch kishini tutup ketken.
Shü jiyong xitayda bash kötürgen “Yéngi puqralar herikiti” ning yétekchiliridin biri. U hökümet emeldarlirini öz bisatining tizimlikini élan qilishqa we hökümetni ochuq-ashkara bolushqa chaqirghan. U “Adem toplap, jem'iyet teripini buzush jinayiti” bilen ötken yili qolgha élin'ghan idi.
Shü jiyongning adwokati jang chingfenning bildürüshiche, xitayda “Adem toplap, jem'iyet teripini buzush jinayiti” ge besh yilliq qamaq bérilidiken. Eger shü jiyongning atalmish jinayetliri delillense uningghimu shunchilik jaza bérilishi mumkin iken.