Xitay milyardér gowéngüy amérikadin panahliq tiligen

Muxbirimiz irade
2017-09-07
Élxet
Pikir
Hembehr
Print
  • Print
  • Hembehr
  • Pikir
  • Élxet

Nyu-York waqti gézitining peyshenbe künidiki xewiridin qarighanda, xitaydiki yuqiri derijilik emeldarlarning parixorluqi qatarliq ichki ishlirini ashkarilash bilen tonulghan, sürgündiki xitay milyardér gowéngüy amérikadin panahliq tiligen.

Gowéngüyning adwokati tomas ragléndning gézitke qilghan sözide gowéngüyning xitay emeldarlar heqqide ashkarilighanlirining uni hazir xitay dölitining siyasiy reqibige aylandurup qoyghanliqini, hazir nyu-York shehiride sayahet wizisi bilen turuwatqan gowéngüyning wiza waqtiningmu bu yil ichide toshidighanliqini bildürgen.

Roytérs agéntliqining éytishiche, gowéngüy 2014-Yili xitaydin ayrilghan bolup, u xitay kompartiyisi ichidiki yuqiri derijilik emeldarlarning chirikliki heqqide melumati barliqini ilgiri sürüp, bir qisimlirini intérnét torlirida ashkarilap kelgen.

Obyéktipliqi talash-Tartish qiliniwatqan «xelqara saqchi teshkilati» bolsa xitayning telipige binaen bu yil aprélda uni tutush buyruqi chiqarghan. Xitay hem özining dölet axbaratliri arqiliq uni parixorluq, saxtipezlik, oghriliq qatarliq jinayetler bilen eyibligen idi emma go özi üstidiki bu qarilashlarni ret qilmaqta.

Bügün xitay tashqi ishlar bayanchisi gowéngüyning panahliq tiligenliki heqqidiki soallargha özining ehwaldin xewiri yoqluqini éytishtin bashqa jawab bermigen.

Toluq bet