Xitay aliy sotchisining “Shinjang” heqqidiki sözi kishilik hoquq teshkilatlirida endishe qozghidi

Muxbirimiz erkin
2014.12.19


Xitay aliy sot mehkimisining bashliqi jaw chyangning Uyghur ilidiki sot mehkimilirini térrorluq hujum, dölet bixeterliki, ijtima'iy muqimliqqa chétishliq délolarni “Qattiq we téz” bir terep qilishqa chaqirishi kishilik hoquq teshkilatlirida endishe qozghidi.

Shinxu'a agéntliqining peyshenbe küni ashkarilishiche, jaw chyang bu chaqiriqni béyjingda échilghan qanun sahesining “Shinjang” gha yardem bérish yighinda qilghan. U “Biz sotqa rehberlikni kücheytip, shinjang sot mehkimilirini dölet bixeterlikige xewp yetküzidighan, milliy ittipaqliqqa buzghunchiliq qilidighan, ijtima'iy muqimliqqa tesir yetküzidighan térrorluq délolirini qattiq we téz bir terep qilishqa yéteklishimiz kérek” dégen.

D u q bayanatchisi dilshat rishit “Jawning sözi Uyghur élide sot we teptishning qanuniy tertipni qayrip qoyup, naheq sotlashni téximu kücheytidu” dep körsetti.

Kishilik hoquq teshkilatlirining körsitishiche, xitay hökümiti Uyghur élide diniy ashqunluqqa qarshi küresh qiliwatqanliqini ilgiri sürsimu, biraq rayondiki zorawanliq weqelirini uning din, til, medeniyet kontrolluqi peyda qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.