Xitay kadir "tughqanlar" ning yene bir wezipisi uyghur "tughqanliri" ni sin'gha élish iken

Muxbirimiz irade
2017-12-28
Élxet
Pikir
Hembehr
Print
  • Print
  • Hembehr
  • Pikir
  • Élxet

Uyghur rayonluq partkomning orunlashturushi boyiche mushu ayning 11-künidin étibaren "milletler ittipaqliqi boyiche tuqqanlishish heptiliki" deydighan bir pa'aliyet bashlitilghan idi. Uyghur élidiki her derijilik kadirlarning yerliktiki uyghurlarning öylirige bérip, ular bilen 24 sa'et birge bolushi bash téma qilin'ghan "tuqqanlishish heptiliki" pa'aliyiti chet'ellerdiki uyghur kishilik hoquq pa'aliyetchilirining küchlük tenqidige uchrighan. Bir qisim közetküchiler buni "uyghurlarni nazaret qilishning yene bir xil usuli", dep körsetken idi.

Derweqe, bügün radi'omiz gu'angdong bölümining chöchektiki bir xitay kadirdin igilishiche, bu kadirlar uyghurlarning öyide yétip-qopupla qalmay, belki ularning kündilik pa'aliyetlirinimu süretke élishi we uni rehberlik organlirigha tapshurup bérishi kérek iken. 

26-Dékabir küni, amérika awazi radi'osimu bu heqte bir parche maqale élan qilip, xitay kadirlarning özliri chüshken öylerde öy igilirining namaz oqush, jaynamaz we "qur'an" saqlash qatarliq ishlirini sürüshte qilidighanliqini bildürgen hem shundaqla bu gheyriy hadisini "hemmila jayni qaplighan gireleshme nazaret méxanizmining shexslerning öylirigiche bösüp kirishi" dep teswirligen idi. 

Xelq'aradiki tenqidiy pikirlerning köpiyishi bilen xitaydiki hökümet awazi bolghan "xelq géziti", "xitay ayallar birleshmisi xewerler tori" qatarliq metbu'atlarmu buninggha inkas sheklide "tuqqanlishish heptiliki" ni medhiyileydighan maqalilerni köplep élan qilip, bu heriketning köngüllerni illitqanliqini ilgiri sürdi. Emma yuqiridiki chöcheklik xitay kadir radiyomizgha qilghan sözide, xitay kadirlarning dawamliq uyghurlarning öyige bérip, bille tamaq yep, olturup kélidighanliqini, emma uyghurlarning xitay "tughqanliri" ning öylirige tamaq yégili kelmeydighanliqini éytqan.

Toluq bet