Xitay saqchi da'iriliri konasheherning saybagh yézisida adem tutushni dawam qilmaqta

Muxbirimiz irade
2013.12.18

Uyghur rayon saqchi da'iriliri konasheherning saybagh yézisida yüz bergen weqege alaqidar yene 6 kishini qolgha alghan. Tengritagh tori bu heqtiki xewiride, gumandarlar bilen birlikte bir türküm partlitish üskünisi, qolda yasighan qoral we pichaqlarni qolgha chüshürgenlikini bildürdi.

Dunya Uyghur qurultiyi bügünki bayanatida, xitay hökümitini weqeni bahane qilip, qalaymiqan adem tutushni toxtitishqa chaqirdi. Ular xitay hökümitining héchqandaq ispatsiz hemde héchqandaq musteqil uchur menbesi yoq bir shara'it astida bu kishilerni térrorluq bilen eyiblewatqanliqini eskertti.

15-Dékabir yekshenbe küni kéchide meydan'gha kelgen weqede ikki neper saqchi we 14 neper Uyghur ahalisi ölgen idi. Xitay da'iriliri élan qilghan xewiride, étip öltürülgen bu kishilerning térror gumandarliri ikenlikini, ularning térrorluq heriket pilanlighanliqini ilgiri sürgen. Emma radi'omiz Uyghur bölümi igiligen uchurlar netijiside, étip öltürülgen 14 kishining 6 nepirining ayal kishi ikenliki, öltürülgenler ichide yene téxi quramigha yetmigen balilarning barliqi, 20 din artuq balining yétim qalghanliqi ashkarilan'ghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.