Xitay hökümiti uyghur diyaridiki ahalilerning shexsiy uchurini toplash ishini yenimu kücheytken

Muxbirimiz qutlan
2017-09-23
Élxet
Pikir
Hembehr
Print
  • Print
  • Hembehr
  • Pikir
  • Élxet

Yéqinda radiyomizgha kelgen uchurlardin melum bolushiche, xitay dairiliri uyghur aptonom rayonidiki yerlik ahalilerning shexsiy uchurlirini toplash, tizimlash we ularni kompyutér sistémisigha kirgüzüsh ishini yenimu kücheytken.

Igilinishiche, ürümchi shehirining herqaysi rayonluq hökümetlirige qarashliq mehelle komitétliri teweliktiki barliq kishilerge «nopustikilerning uchurini toplash jedwili» tarqatqan. Tepsilati intayin inchike bolghan bu jedwel ürümchidin bashqa jaylardimu tarqitilghan.

Jedweldiki uchurlardin melum bolushiche, bu jedwelni tapshuruwalghan kishiler özining asasliq shexsiy uchurliri, kündilik paaliyet dairisi, diniy étiqad ehwali, pasportining uchurliri, ilgiri qaysi döletlerge barghanliqi, üch ewlad uruq-Tughqanlirining tizimliki, muqimliqqa chétilidighan ehwalliri shundaqla shexsiy mashinisining uchurlirini bir-Birlep toldurushi lazimken.

Jedwelning yan bölikide toldurulghan uchurlargha asasen mehelle komitétliri yaki saqchi orunliri nomur qoyidighan birmunche katekchiler bérilgen. Buningda jedwel toldurghuchining uchurlirigha asasen uning nuqtiliq yaki adettiki nopus ikenliki, ishenchlik yaki ishenchsiz shexsliki, guman obéyktini békitidighan 10 türdin qaysi türge chüshidighanliqi belge qoyush arqiliq ayrilidiken.

Yéqinda xitay merkiziy siyasiy-Qanun komitétining sékrétari ming jyenju xitay saqchi dairiliridin yuqiri téxnikidin paydilinip «muqimliq» qa kapaletlik qilishini telep qilghan idi.

Közetküchiler, bu jedwel xitay hökümitining rayonda yerlik xelqning shexsiy uchurlirini toplap kompyutérda sanliq melumat ambiri qurup chiqishi we yuqiri téxnikiliq wasitilerdin paydilinip jiddiy weqelerning aldini élishida asasliq uchur menbesi bolup qélishi mumkin, dep qarimaqta.

Toluq bet