Xitayning uyghur rayonini idare qilghan yene bir chong emeldarimu xiyanetchi chiqti

Muxbirimiz shöhret hoshur
2017-05-24
Élxet
Pikir
Hembehr
Print
  • Print
  • Hembehr
  • Pikir
  • Élxet

Uyghur rayonini igilep yatqan xitayning ishlepchiqirish qurulush armiyisining sabiq qomandani lyu shinchi xitay kompartiyisi merkizi intizam tekshürüsh komitéti teripidin xiyanetchilik bilen eyiblinip partiyidin qoghlap chiqirilghan.

Téngshün qatarliq axbarat wasitiliride xewer qilinishiche, lyu shinchining partiyidin qoghlanghanliqi heqqidiki uqturushta, uning siyasiy we teshkiliy intizamgha xilapliq qilish, hoquqidin paydilinip aile ezalirigha menpeet yetküzüsh, uruq-Tughqan we dost-Buraderlirini xalighanche östürüsh, hoquqni changgiligha éliwélip soda we qurulushlardin para élish qatarliq qilmishliri tilgha élinghan.

Xitay aldinqi yilqi bir aqtashliq kitabida mezkur ishlepchiqirish-Qurulush armiyisining xitayning dölet pütünlüki üchün pewquladde xizmet qilghanliqi heqqide medhiyeler yézilghan. Bügün dunya uyghur qurultiyi bayanatchisi dilshat rishit bu heqte pikir bayan qilip, xitayning uyghur rayonidiki emeldarlirining özlirini xitay xelqi aldida xitayning muqimliqi we dölet pütünlüki üchün xizmet körsitiwatqan qilip aqlawatqanliqini, emeliyette bolsa iqtisadiy jehettin özi we uruq-Tughqanlirini bodawatqanliqini ilgiri sürdi we lyu shinchini bundaqlarning peqet bir misali dep körsetti. U yene xitay xelqini öz emeldarlirining niyitini chüshinishte aqilane bolushqa dewet qildi.

Toluq bet